Vetëvendosje njofton për një tubim në Bruksel, Kurtit i referohet si Kryeministër në ardhje
Lëvizja Vetëvendosje s’e ka asnjë dyshim se Albin Kurti do të bëhet Shef i Qeverisë së re në koalicionin me Lidhjen Demokratike të Kosovës.
Përmes një njoftimi, Partia fituese e zgjedhjeve ka njoftuar për një takim të Kryeministrit të ardhshëm me mërgatën në Bruksel.
“Mbrëmë, në Bruksel, një numër i madh bashkatdhetarësh pritën Kryëtarin e Lëvizjes dhe Kryeminstrin e ardhshëm, Albin Kurti”, shkruar në njoftimin e VV’së.
Sipas njoftimit, Kurti ripotencoi edhe një herë zotimet për mërgatën të cilat do të realizohen nga qeverisja e ardhëshme.
“Nga lehtësimi i votimit e deri te krijimi dhe mundësimi i kushteve për investime të bashkëatdhetarëve në vendlindje ishin vetëm disa temat e diskutuara”, thuhet në njoftim.
ëvizja Vetëvendosje për herë të parë ka dalë parti fituese. Është duke negociuar ndërtimin e koalicionit me LDK’në.
Lëvizja Vetëvendosje dhe LDK s’kanë qeverisur asnjëherë. Janë kundërshtuar mes vete. Kur LDK ishte në pushtet, Vetëvendosje dhe Albin Kurti i ishin referuar Isa Mustafës si “njeri i Serbisë”. E kishin gjuajtur me ve, gazlotjsjellës dhe i kishin sulmuar në rrugë e shtëpi. Tash, Albin Kurti i referohet Isa Mustafës si profesor Mustafa.
Deri më tash është raportuar se LDK hyn në koalicion nëse e merr Presidentin, Kryetarin e Kuvendit, Ministrinë e Punëve të Brendshme, Ministrinë e Jashtme, Ministrinë e Arsimit, Ministrinë e Financave etj.
Zyrtarët e Vetëvendosjes kanë thënë se do t’i japin LDK’së pushtet aq sa ka peshë në skenën politike.
(Kosova Sot Online)
