Shtatë të dënuar fillojnë punën jashtë institucionit korrektues
Shërbimi Korrektues i Kosovës ka njoftuar se shtatë të burgosur kanë filluar punën jashtë këtij institucioni si aktivitet i nevojshëm për risocializimin e tyre.
SHKK njofton se punësimi i të burgosurve është fillim i zbatimit të Udhëzimit Administrativ në Qendrën Korrektuese të tipit të hapur të Smrekonicës për punën e të burgosurve jashtë institucionit korrektues.
SHKK është duke e realizuar misionin e saj ligjor për parandalimin e përsëritjes së krimit në të ardhmen, duke synuar një shoqëri ku sundon ligji.
Presim nga shoqëria e gjerë që ti pranoi të burgosurit e punësuar në komunitet si pjesë jetës dhe punës në mjedisin e saj, si dhe të ndihmoi SHKK-në në misionin e saj të risocializimit dhe riintegrimit të të burgosurve në shoqëri në Republikën e Kosovës.
(Kosova Sot Online)