Ziadin Sela flet për komandantët: Qytetarët e Kosovës ishin mirënjohës por jo pafundësisht

  • 20 nëntor 2019 - 21:41
Ziadin Sela flet për komandantët: Qytetarët e Kosovës ishin mirënjohës por jo pafundësisht

Kreu i Aleancës për Shqiptarët në Maqedoninë e Veriut, Ziadin Sela, foli për kryetarin e Bashkimit Demokratik për Integrim, Ali Ahmetin. Sela vlerëson kontributin e Ali Ahmetit në luftën e shqiptarëve të Kosovës për çlirim, por thotë se kjo është e tëra.

 “Kundërvlera e një luftëtari është liria dhe jo pushteti. Kundërvlera e Ali Ahmetit është pushteti”, tha Sela.

Gjithashtu Sela mori shembullin e Kosovës, ku në zgjedhjet nacionale të tetorit, partitë që rrjedhin nga lufta i humbën zgjedhjet dhe për herë të parë pas luftës.

“Qytetarët e Kosovës ishin mirënjohës por jo pafundësisht dhe kjo u tregua në zgjedhjet e fundit ku votuan për ndryshim”, është shprehur Sela.

Sela tha se për ta kërkuar idealin e humbur, BDI’ja fillimisht duhet të shkojnë në opozitë.

“BDI duhet të shkojë në opozitë, ta kërkojë idealin e humbur”, shtoi Sela.


(Kosova Sot Online)