Të martën mbahet protestë për sulmet ndaj mjekëve

  • 22 nëntor 2019 - 12:24
Të martën mbahet protestë për sulmet ndaj mjekëve

Sindikata e Qendrës Klinike Universitare do të mbajë një protestë paralajmëruese 30 minutëshe, të martën para Klinikes Emergjente të QKUK.

Kjo sindikatë njofton se qëllimi i protestës është “Ndalimi i sulmeve dhe veprimeve denigruese ndaj personelit shëndetësorë”.

Dhjetëra raste të sulmeve fizike ndaj mjekëve në vendin e tyre të punës janë raportuar gjatë këtij viti.

Rasti më i ri ishte raportuar ai i sulmit fizik ndaj një mjeku në Klinikën Emergjente në Qendrën Klinike Universitare të Kosovës në Prishtinë, derisa ai po ofronte trajtim shëndetësor.

(Kosova Sot Online)