Varrosen dy vëllezërit gjilanas që gjetën vdekjen nga tërmeti në Shqipëri

Janë përcjellur për në banesën e fundit dy vëllezërit Isa e Shemsedin Abazi nga Livoçi i Gjilanit të cilët u gjetën të vdekur nën gërmadhat e një hoteli në Durrës.

Isa dhe Shemsedin Abazi janë varrosur sot në orën 12:30 në varrezat e fshatit Livoç i Epërm të Gjilanit e të pranishëm ishin shumë qytetarë që i dhanë lamtumirën e fundit.

Tërmeti i fuqishëm prej 6.4 shkallë të Rihterit që goditi Shqipërinë mëngjesin e 26 nëntorit ishte fatal për dy vëllezërit të cilët nuk arritën t’i mbijetojnë shembjes së hotelit në të cilin gjendeshin.

Nga tërmeti që goditi Shqipërinë deri më tani janë konfirmuar 41 viktima dhe mbi 600 të lënduar.

(Kosova Sot Online)