Momenti kur tërmeti thuajse e ‘shkul’ vendit pallatin në Durrës, ekspertët thonë se është i banueshëm!

Një pallat në lagjen 13 në Durrës është klasifikuar me dëme të lehta dhe i riparueshëm nga ekspertët.

Por situata nga brenda pallatit paraqitet mjaft e rëndë dhe banorët deklarojnë se nuk mund të jetojnë më në këtë ndërtesë.

“Nuk jam aspak dakord. Ky pallat nuk bëhet më. Mua nuk ma siguron njeri jetën këtu”, shprehet një nga banorët.

“Kjo nuk është aspak e drejtë. Kemi pasur dëme që me tërmetin e parë, kemi denoncuar, janë bërë foto, por riparimet i kemi bërë të gjitha me lekët tona. Fati jonë ishte që nuk ndodheshim në banesë. Shtëpia është rrënuar komplet. Të vijë kush të dojë të banojë, ja kam falur”, thotë një zonjë, apartamenti i të cilës është shkatërruar nga tërmeti.

(Kosova Sot Online)