Akt makabër/ Shqiptari i hedh benzinë gruas dhe i vë zjarrin. Hetuesit tregojnë arsyen e veprimit të rëndë

  • 13 dhjetor 2019 - 19:27
Akt makabër/ Shqiptari i hedh benzinë gruas dhe i vë zjarrin. Hetuesit tregojnë arsyen e veprimit të rëndë

Ai u përpoq ta digjte të gjallë gruan e tij, e cila shpëtoi në minutën e fundit, por u dogj rëndë dhe po lufton për të mbijetuar.

Ngjarja e rëndë ka ndodhur në një lagje të Kallamatës në Greqi natën midis të mërkurës dhe të enjtes, ku banorët kanë parë zjarrin që ka shpërthyer në një ndërtesë, duke lajmëruar menjëherë zjarrfikësit.

Ishin këta të fundit që bënë të mundur nxjerrjen e 39 vjeçares shqiptare nga banesa.

Gruaja u transportua me shpejtësi nga ambulanca për në spitalin e përgjithshëm të qytetit, ku ajo është në gjendje kritike pasi pësoi djegie të shkallës së dytë në pjesën më të madhe të trupit. 

Në fillim u konsiderua si një aksident, por shumë shpejt u zbulua se zjarri nuk ishte shkaktuar nga ndonjë aparat i ndezur ose ndonjë gjë tjetër, por nga përpjekja për të vrarë gruan nga ana e burrit shqiptar 45 vjeçare.

Sipas asaj që është konfirmuar nga policia, çifti ka pasur një grindje midis tyre dhe në atë moment, burri e ka lyer me benzinë duke i vënë zjarrin. Edhe vetë burri ka marrë djegie duke përfunduar në spital. Ai është arrestuar nga oficerët e Policisë së Sigurisë në Kalamata, të cilët po hetojnë shkaqet e tragjedisë.

Mediat greke shkruajnë se sipas hetimeve fillestare, arsyeja që 45-vjeçari kreu këtë veprim makabër ishte për shkak të xhelozisë ndaj gruas.

E gjitha filloi vonë në mbrëmjen e së mërkurës, kur çifti me origjinë shqiptare nisi të grindej në apartamentin ku ata qëndronin me fëmijët e tyre, 18 dhe 16 vjeç, të cilët nuk ishin në shtëpi në atë kohë. Fqinjët, duke dëgjuar zërat e gruas fatkeqe dhe duke parë tymin nga banesa, lajmëruan zjarrfikësit.

(Kosova Sot Online)