Rama: 1.2 miliard Euro nga BE për zbatimin e marrëveshjeve të “MiniShengenit”

1.2 miliard euro do të jepen nga Bashkimi Evropian për zbatimin e marrëveshjeve të arritura nga Shqipëria, Serbia dhe Maqedonia e Veriut në kuadër të “MiniShengenit”.

Kështu u shpreh sot nga Tirana kryeministri Edi Rama në krah të liderëve të shteteve ballkanike.

Rama theksoi se “këto fonde nuk janë kredi, por janë grante”, duke shtuar se nisma po sjell vetëm të mira për të gjitha shtetet dhe se nuk favorizon asnjë shtet në veçanti në dëm të një shteti tjetër.

“Ka 20-30 vjet, që sa herë duhen marrë vota, duhet të hapet kufiri më Kosovën. Kufiri nuk hapet, se çohen në Bruksel e në Washington. Sot ne po themi të hapin të gjitha kufinjtë. do të konsiderohej e papranueshme që mungesa e Kosovës do të ishte si kusht nga Serbia, por nuk ka asnjë lloj kushti. Nëse biem dakord për liberalizim çfarë fiton Kosova duke mos ardhur.

Askush nuk thotë kjo nuk duhet bërë me Kosovën. Deklaratat janë politike, Kosova nuk ka nevojë për izolim dhe vetëpërjashtim apo garë se kush është më refuzues ndaj integrimit. Nuk ka nevojë për ata që e mbështetën në ditët më të vështira. Sot këtu janë BE, SHBA, edhe 4 vende të tjera, që kanë derën e hapur. Kjo është rruga për Kosovën për integrim. Historitë e tjera, vendosjen e pikave krahasimore me SHBA dhe të Kinës janë vetëvrasje.

Pasi miqtë dhe partnerët në këtë proces janë këtu dhe nuk mungojnë. Pa diskutim se kjo nuk bëhet për pushtet dhe për vota. Po të ishte, nuk do të ishim këtu sot. Kjo bëhet për të ardhmen për njerëzit. Ata të zakonshmit dhe sipërmarrësit që duan investime. Ne jemi shumë të vegjël kur jemi të ndarë. Nëse duam investime duhet një treg i hapur. Serbia shënon nr më të madh të investimeve të huaja. Sa është tregu, sa janë burimet njerëz. Kjo nisëm është nisëm për të ardhmen jo një oxhak për të shkuarën. Ë shkuara na ndan e ardhmja na bashkon. Duhet të kemi kurajo për të thënë në sy të shkuarën por sy më sy të bashkëpunojmë për të ardhmen. Nëse mbytemi në acidin e të shkuarës do të mbytemi  dhe unë nuk kam për ta lejuar deri sa të jem gjallë.” tha Rama.

(Kosova Sot Onlien)