Aksident i rëndë në Greqi, humb jetën 36-vjeçari shqiptar
Një 36-vjeçar shqiptar ka humbur jetën si pasojë e një aksidenti të rëndë në Greqi.
Mediat greke raportojnë se aksidenti ka ndodhur mbrëmjen e djeshme (22 dhjetor) në një zonë pyllore në Pella, ku makina me të cilën ai po udhëtonte doli nga rruga dhe përfundoi në një kanal.
Viktima, emri i të cilit nuk bëhet i ditur u gjet nga vëllai i tij, i cili më pas njoftoi edhe policinë.
Ende nuk dihen shkaqet e aksidentit, ndërsa autoritetet po punojnë për zbardhjen e rrethanave të ngjarjes.
(Kosova Sot Online)