Rrahje masive në Gjykatën e Ferizajt, 13 të arrestuar

  • 26 dhjetor 2019 - 14:40
Rrahje masive në Gjykatën e Ferizajt, 13 të arrestuar

Një rrahje masive ka shpërthyer sot në Gjykatën Themelore në Ferizaj.

Burimet kanë thënë se dy familje janë rrahur në gjykatë ndërsa është dashtë intervenimi i policisë për ta qetësuar situatën.

13 persona janë arrestuar ndërsa ende nuk ka informacione për të lënduar.

Rrahja ka të bëjë me rastin e ekstradimit të 35-vjeçares M.P., e cila dyshohet se ka vrarë 38-vjeçarin A.K., më 2 shtator 2018 në periferi të Ferizajt.

Pas përfundimit të procedurave në hetuesi dhe prokurori, e njëjta është dërguar në Gjykatën Themelore në Ferizaj nga e cila të njëjtës i është caktuar masa e paraburgimit në afat prej 30 ditësh.

Ekstradimi i të dyshuarës është bërë më 18.12.2019.

(Kosova Sot Online)