Haxhi Hoti u arrestua nga Policia e Kosovës për veprën penale “shtytje në vrasje”

  • 29 dhjetor 2019 - 11:05
Haxhi Hoti u arrestua nga Policia e Kosovës për veprën penale “shtytje në vrasje”

Kandidati për deputet nga radhët e partisë, Nisma Socialdemokrate, është arrestuar mëngjesin e sotëm për veprën penale “Shtytje në vrasje”, kjo pasi që ai mbërmë përmes një shkrimi në “facebook” dyshohet se kërcënoi publikisht liderin e Lëvizjes Vetëvendosje, Albin Kurtin.

Hoti sipas Policisë së Kosovës, është dërguar në mbajtje për 48 orë. 

“Prishtinë (NN:) 28.12.2019-19:00. Raportohet se i dyshuari mashkull K/Shqiptar përmes rrjetit social Facebook kishte  publikuar një shkrim i cili është trajtuar si më lartë. Lidhur me rastin njësiti policor e ka kërkuar të dyshuarin në shtëpinë e tij, por i njëjti nuk është hasur, të njëjtit i është lënë ftesë për paraqitje të menjëhershme në polici. Në cilësinë e dëshmitarëve janë intervistuar dy persona, në koordinim me prokurorin e shtetit janë ndërmarrë veprime për rastin. I dyshuari pas paraiqitjes në polici, është intervistuar dhe me urdhër të prokurorit është dërguar në mbajtje për 48 orë”, thuhet në njoftimin zyrtar të policisë së Kosovës për këtë rast.

(Kosova Sot Online)