Zemaj për video-mesazhin e Kurtit: Nuk janë risi te VV-ja, për koalicion vendos kryesia e partisë
Deputeti i Lidhjes Demokratike të Kosovës, Armend Zemaj pas mbledhjes së Grupit Parlamentar ka thënë se i takon kryetarit të partisë dhe Vjosa Osmanit që të vendosin për koalicionin me VV-në.
“Ju takon kryetarit të partisë dhe bartëses së listës zonja Osmani për ecurinë qoftë krijimit të koalicionit apo hapave të mëtutjeshëm”, tha ai.
Zemaj i pyetur nëse kanë pa videon e Albin Kurtit ku cakton edhe emrat e ministrave tha se nuk e kanë parë një video të tillë, për të cilat tha se nuk janë risi te Vetëvendosja.
“Nuk kam pa video, nuk e kemi pa. Këto video mesazhet nuk janë risi nga VV- ja. Sapo dolëm nga takimi. Tash është kryesia deputetet shprehin qëndrimet e tyre”, tha ai.
Pas mbledhjes së Grupit Parlamentar, LDK-ja ka mbledhur edhe kryesinë e partisë.
(Kosova Sot Online)
