Vazhdon drama, ky është versioni i vëllait të gruas që goditi dajën e Adelina Tahirit me çekan

  • 10 janar 2020 - 17:09
Vazhdon drama, ky është versioni i vëllait të gruas që goditi dajën e Adelina Tahirit me çekan

Gjatë ditës së sotme, padyshim lajmi që ka bërë bujë të madhe në media është rasti që ka ndodhur tek të afërmit e këngëtares Adelina Tahiri.

Është daja i saj, pronari i TV ERA, Abdulla Mehmetaj, ai i cili është bërë për spital nga bashkëshortja e tij, Arlinda Ahmetaj, pasi është goditur me çekan.

Në fotot e postuara nga një portal, e të cilat më pas edhe Adelina i ka ndarë me ndjekësit e saj, Ahmetaj shihet në spital pas intervenimit të infermierëve pas lëndimeve që ka pësuar.

Ahmetaj ka thënë se është pikërisht bashkëshortja e tij ajo e cila e ka sulmuar, sipas tij, për arsye se ka dashur t’ia marrë pasurinë.

Megjithatë, të gjitha këto mohon nga familjarët e Arlindës, e cila është edhe ligjëruese në kolegjin AAB në Kosovë.

Vëllai i Arlindës ka treguar se çifti po kanë probleme martesore tash e 20 vjet dhe ajo po sulmohej vazhdimisht fizikisht dhe psiqikisht nga bashkëshorti i saj.

Reagimi i plotë:

Familjarët e Arlindës në prononcim, thonë se është pikërisht Abdulla Mehmetaj që ka sulmuar dhe rrahur Arlindën, e cila gjithashtu gjendet e shtrirë në spital.

“Për shkak të problemeve 20-vjeçare martesore, maltretimeve psikike dhe fizike nga ana e burrit edhe në natën e fundit të kobshme kur bashkëshortja rrihet brutalisht nga i shoqi i saj, e cila detyrohet të ik te familjarët e saj. Arlinda ende është në spital në Klinikën e qytetit. Dy vajzat e saj gjenden te familjarët e nënës me taruma të rënda psikike dhe lëndime trupore. Të gjitha këto informacione i ka edhe policia e cila është e njoftuar me rastin. Vajzat kanë qenë të detyruara nga inspektorët të lëshojnë shtëpinë, por për shkak të sigurisë së tyre me urdhër të inspektorëve policor, ato nuk janë dërguar në Qendra sociale, por te familjarët e nënës”.

Ndërkohë, media merr vesh se po vazhdojnë hetimet e policisë dhe Prokurorisë dhe se shumë shpejt do të ketë epilog rasti në fjalë.

Image

(Kosova Sot Online)