6 vjet më parë u mbajt mbledhja e parë e përbashkët e dy qeverive

  • 11 janar 2020 - 08:16
6 vjet më parë u mbajt mbledhja e parë e përbashkët e dy qeverive

Në qytetin e Prizrenit më 11 janar të vitit 2014 , u mbajt takimi i përbashkët i dy qeverive, asaj të Shqipërisë dhe Kosovës. Kjo mbledhje e përbashkët që nga dy kryeministrat, Hashim Thaçi dhe Edi Rama, u cilësua historike, ndodhi për herë të parë në historinë e dy shteteve.

Të dy kryeministrat Thaçi dhe Rama, nënshkruan “deklaratën për bashkëpunim dhe partneritet strategjik ndërmjet Republikës së Kosovës dhe Republikës së Shqipërisë”.

Kjo marrëveshje përfshinte fushën e transportit dhe infrastrukturën dhe bashkëpunimin tregtar.

Ata u pajtuan që të themelojnë edhe një fond të përbashkët për Luginën e Preshevës.

Mbledhjen e përbashkët të qeverisë së Kosovës dhe asaj të Shqipërisë, e hapi kryeministri i atëhershëm i Kosovës, Hashim Thaçi, i cili kishte thënë se “ky takim shënon një kapitull të ri për Kosovën, Shqipërinë dhe rajonin”.

(Kosova Sot Online)