Akuza ndaj Shpend Ahmetit: Kështu po bënë pazare milionëshe me lejet ndërtimore

  • 18 janar 2020 - 07:33
Akuza ndaj Shpend Ahmetit: Kështu po bënë pazare milionëshe me lejet ndërtimore

“Fati i tij dhe fati i krejt kryebanditëve të majave të shtetit që bashkëpunojnë ngushtë me krimin e organizuar është se në Kosovë nuk ka sistem të mirëfilltë gjyqësor, por është një sistem i kalbur dhe puthadorësh, pikërisht të këtyre kryebanditëve të majave të shtetit ku bëjnë pjesë edhe kjo kopeja prej bagëtisë e Shpend hajnit, apo Shpend jahtit, e cila lëre që nuk burgosen, por as që trazohen dhe të merren në pyetje”, thotë Badallaj për “Kosova Sot Online”.

Shpërthimi i skandalit të komunës së Prishtinës me aferën e projektit për ndërtimin e lagjes së vilave në zonën e Liqenit të Badovcit, ka zbuluar se Komuna e Prishtinës e udhëhequr nga Shpend Ahmeti, qysh më 20 dhjetor të vitit të kaluar ka lëshuar vendimin për caktimin e kushteve ndërtimore për projektin pranë Liqenit të Badovcit.

Në dokumentin e raportuar në media shkruan se “lëshimi i saj bëhet në përputhje me Planin Zhvillimor të Komunës së Prishtinës”, i cili është miratuar nga Kuvendi Komunal në gusht të vitit 2013 dhe sipas hartës të paraqitur në të, një pjesë e zonës afër Liqenit të Badovcit shënohet si e urbanizuar. Ndërsa kjo është në kundërshtim me një vendim të Qeverisë së Kosovës të 24 prill 2013, i cili e ka shpallur Liqenin e Badovcit zonë të mbrojtur.

Lidhur me këtë skandal dhe shkelje serioze të ligjit nga ana e Shpend Ahmetit dhe të vartësve të tij në komunën e Prishtinës, kanë reaguar ashpër analistët politikë.

Sipas tyre, kjo është vetëm edhe një dëshmi tjetër e radhës që flet se si Shpend Ahmeti po vazhdon pazaret e tij kriminale me shitjen e lejeve ndërtimore.

Ky veprim që bie ndesh me ligjin, sipas analistëve tregon se është dëshmi e fuqishme që zbulon se edhe Plani Zhvillimor –PZHU, në të cilin bazohet komuna është plan ilegal dhe kriminal, i punuar ekskluzivisht për interesa të nëntokës kriminale.

Kjo mënyrë veprimi, sipas analistit politik, Reshat Badallaj është dëshmi se si Shpend Ahmeti po vazhdon pazaret e tij kriminale me shitjen e lejeve ndërtimore, dhe dëshmi se Plani Zhvillimor PZHU është krejtësisht plan ilegal dhe kriminal, i punuar ekskluzivisht për interesa të nëntokës kriminale, për çka urgjentisht duhet të nisin hetimet dhe Shpend Ahmeti të përfundoj në burg.

Image
Reshat Badallaj

“Është për fatin e keq për Prishtinën dhe të gjitha zonat përreth që erdhi në krye dhe morri timonin për ta drejtuar komunën ky Shpend zeza dhe një grusht i vogël langonjsh por shumë të rrezikshëm jo vetëm për popullatën por edhe për natyrën dhe më shumë. Ky matrapaz i sëmurë për karrige, dhe i verbuar pas hajnisë u kap zinxhir me bandat më kriminale të nëntokës dhe me hajni u bë super milioner dhe siguroi pasuri marramendëse. Ky hajvan nuk njeh as ligje dhe as Kushtetutë kur është fjala për hajni, kështu që kjo bandë e ndihmuar nga kryebanditët e majave të shtetit dolën mbi ligjin dhe veprojnë si të ishte pasuri e babës, pasuria kombëtare. Nuk zgjodhën mjete dhe merreni me mend aq të pangopur janë që tashmë ju turrën edhe liqenit të Badovcit që t´ia zënë frymën. Vetëm e vetëm se kanë marr miliona nga mafio-oligarkët më të rrezikshëm por falë popullit i hasi sharra në gozhdë kësaj bande kriminale”, thotë analisti politik, Reshat Badallaj për Kosova Sot Online”.

E keqja më e madhe, sipas Badallajt është pse akoma nuk po reagon drejtësia, që sipas tij, është e ndikuar nga politika e inkriminuar, por po i lë qytetarët që të merren me Shpend Ahmetin.

“Fati i tij dhe fati i krejt kryebanditëve të majave të shtetit që bashkëpunojnë ngushtë me krimin e organizuar është se në Kosovë nuk ka sistem të mirëfilltë gjyqësor, por është një sistem i kalbur dhe puthadorësh, pikërisht të këtyre kryebanditëve të majave të shtetit ku bëjnë pjesë edhe kjo kopeja prej bagëtisë e Shpend hajnit, apo Shpend jahtit, e cila lëre që nuk burgosen, por as që trazohen dhe të merren në pyetje. Në të kundërtën pa më të voglin dyshim ky dhe e gjithë banda kriminale e kanë vendin në burg dhe jo vetëm për këtë masakër natyrore, por për një bjeshkë keqpërdorimesh dhe tradhtish e hajnish që bënë kundër qytetarëve dhe shtetit”, deklaron analisti politik, Reshat Badallaj për “Kosova Sot Online”.

Abuzimi i madh që ka ndodhur me leje ndërtimi nga Shpend Ahmeti, duke marr shembull edhe ato që atakojnë zonën e Liqenit të Badovcit, dhe mos veprimi i Prokurorisë, sipas Badallajt po e krijon bindjen te qytetarët se Kosova akoma nuk ka të instaluar sistem të drejtësisë por sundojnë rrjetet mafioze.

“Përndryshe si mundë të besoj populli se në Kosove paska prokurori, si mund të dëshmohet kjo kur qindra herë pushtetarët si soji i Shpend Ahmetit e kanë shkelur ligjin dhe Kushtetutën e vendit, e kjo drejtësi i mbrojtur krye mafiozet, krye banditët, krye hajnat dhe mafio-oligarkët. Dhe, si mund të besohet kjo kur bandë që bënë pazare me leje ndërtimi dhe të mos burgosen. Kjo nuk shpjegohet ndryshe, pos asaj se në Kosovë lulëzon krimi i organizuar dhe askush as që i burgos kriminelët, përkundrazi hajnat bëhen super milionerë dhe pazarin e ndajnë bashkë me lloj-lloj matrapazësh, por që po e vuan populli i shkretë. Shpresa ime është se kjo katrahurë e udhëhequr nga kjo bande mafioze i ka ditët e numëruara sepse nuk e duron populli”, përfundon analisti politik, Reshat Badallaj për “Kosova Sot Online”.

(Kosova Sot Online)