Rasti i rrallë/ Lind dhia me fytyrë njeriu, banorët e adhurojnë si ‘Zot’

Një dhi mutante po adhurohet në Indi si të ishte “perëndi” pasi lindi me një  fytyrë të sheshtë dhe me sy të çuditshëm, që e bëjnë të ngjasojë me një njeri. Pamjet e kafshës së rrallë kanë berë menjëherë xhiron e botës pasi pronari i saj Mukeshji Prajapap postoi një video të shkurtër të dhisë së zezë me pamje të çuditshme.

Në fillim, njerëzit e fshatit në Raxhastan ku lindi kafsha, u trembën kur e panë. Por më pas, krijesën e pazakontë kanë nisur ta adhurojnë si të ishte “ një Zot” që zgjodhi të jetonte mes tyre. Mendohet se dhia mund të ketë pësuar deformim të fytyrës për shkak të një difekti të rrallë kongjenital të quajtur Cyclopia, që sjell probleme me ndarjen e syve dhe simetrinë e fytyrës.

Dhitë mund të konsiderohen si kafshë të shenjta në Indi, edhe Hinduizmi i konsideron si kryesore vetëm pesë të tilla: lopën, majmunin, gjarprin, elefantin dhe tigrin. Por pavarësisht kësaj, dhitë kanë qenë pjesë e teksteve fetare Veda, ku cilësohen si kafshë me rëndësi.

(Kosova Sot Online)