Shqiptari godet me thikë vëllain, më pas e nxjerr të plagosur në stacionin e trenit
Një ngjarje si në filma ka ndodhur në zonën e Sparanises të Casertanos në Itali.
Sipas mediave vendase një shqiptar pe leje qëndrimi u përpoq të vriste vëllain e tij.
Pasi e plagosi, ai e tërhoqi atë të gjakosur në stacionin e trenit, dhe më pas e braktisi në rrugë.
“Il Giornale” shkruan se shqiptari me iniciale S.E., 30 vjeç, u dërgua me urgjencë në spital me një mushkëri të shpuar nga thika e kuzhinës.
Ishin disa kalimtarë që shpëtuan viktimën, të cilët njoftuan urgjencën.
Policët arritën të merrnin në pyetje të plagosurin, i cili tha se ishte plagosur me një mjet të mprehtë qelqi pasi kishte rënë nga biçikleta, por kjo dëshmi nuk i bindi agjentët.
Hetimet i çuan te vëllai i tij, i cili ndërkohë ishte fshehur në shtëpinë e një miku, ku u gjurmua dhe u arrestua më pas.
Ergi Shabani, 33 vjeç, i parregullt në territorin italian, akuzoi vëllain e tij për shpenzim të tepruar të parave të fituara.
Në grindje e sipër, ai e godet me thikë dhe pas kësaj, është ai që e ndihmon për t’i ndërruar rrobat dhe duke e nxjerrë në stacionin e trenit duke tërhequr kështu vëmendjen e kalimtarëve.
(Kosova Sot Online)