Kujtim Shala zbulon çka kërkoi Grenell nga LDK’ja

Nënkryetari i Kuvendit të Kosovës, Kujtim Shala nga Lidhja Demokratike e Kosovës, ka zbuluar kërkesën e ambasadorit amerikan, Richard Grenell i cili qëndroi dje për vizitë në Kosovë.

“Kërkesa themelore e Grenell ka qenë që vendi duhet ta ketë qeverinë e re sa më shpejt që të jetë e mundur. Atyre ju duhet partneri dhe ai partner është Qeveria e re”, ka thënë Shala.

Sipas tij, thelbi i diskutimeve me Grenell ishte zhvillimi ekonomik.

“Nuk kanë dhënë specifika të tjera por janë në dijeni për procesin e dialogut për të bërë marrëveshjen. Presion për dinamikën dhe diçka specifike, nuk ka pasur nga Grenell’’, ka shtuar Shala.

(Kosova Sot Online)