Taubadel: Kosova të implementojë 23 rekomandimet për zgjedhjet

25 January 2020 - 11:28

Kryeshefja e Misionit të Bashkimit Evropian që ka monitoruar zgjedhjet e 6 tetorit në Kosovë, Viola Von-Carmon Taubadel, ka thënë se Kosova ka nevojë për një qeveri që të implementojë plotë 23 rekomandimet që ndërlidhen me procesin e zgjedhjeve.

Përveç këtyre rekomandimeve, Taubadel e cila është edhe Raportuese për Kosovën në Bashkimin Evropian ka thënë se institucionet e reja duhet të krijohen edhe për të çuar përpara edhe shumë çështje tjera që ndërlidhen me edukimin, punësimin e shëndetësinë.

“Në një konferencë për media kemi publikuar raportin final me 23 rekomandime. Tani duhet një qeveri që të implementojë ato rekomandime dhe shumë çështje të tjera, shëndetësia, edukimi, punësimi”, ka shkruar Taubadel.

We have finished the #EU #EOM Kosovo today with the press conference while publishing the final report with 23 recommendations. Now it needs a government ASAP to implement those recommendations and a lot of other issues #climate #energy #health #education #employment https://t.co/704cAXm1ei
— Viola von Cramon (@ViolavonCramon) January 24, 2020