Vetëvendosje thotë se publiku do të njoftohet sapo të arrihet marrëveshja

Nga Lëvizja Vetëvendosje bëjnë të ditur se do të njoftojnë publikun nëse do të ketë marrëveshje për formimin e qeverisë nga kjo parti dhe LDK-ja.

Zëdhënësi për media i Lëvizjes Vetëvendosje, Arlind Manxhuka, këtë e bëri të ditur me anë të një postimi në rrjetin social, Facebook.

“Kur kanë mbetur vetëm edhe 40 orë deri te seanca e Kuvendit të Kosovës për qeverinë Kurti, sigurisht se kemi inflacion hamendësimesh e spekulimesh”.

“Komunikimi, konsultimet dhe takimet midis LVV dhe LDK janë intensifikuar në këto orë të fundit”.

“Lëvizja  Vetëvendosje do të njoftojë publikun dhe anëtarësinë sapo të ketë marrëveshje”, ka shkrur ai në Facebook.

(Kosova Sot Online)