Konjufca i dorëzon mandatin Vjosa Osmanit

Glauk Konjufca i ka dorëzuar detyrën e kryetares së Kuvendit të Kosovës Vjosa Osmanit.

“Vjosa Osmani solli një diskurs të ri në shoqërinë tonë dhe aq më tepër që në krye të Kuvendit më në fund e kemi një grua për të cilën nuk kam dyshim se do ta kryejë këtë detyrë me nder dhe do ta fuqizojë rolin e Kuvendit”, tha Konjufca.

“Urime dhe të priftë e mbara”, përfundoi ai.

Nga ana tjetër Osmani tha se do të punojë për të bërë krenarë qytetarët e Kosovës.

Glauk Konjufca nga Vetëvendosje mbajti pozitën e të parit të legjislativit për një muaj.

(Kosova Sot Online)