Pas ndihmës së qytetarëve Policia arreston personin e kërkuar për blerje e shitje të narkotikëve

  • 04 February 2020 - 10:37
Pas ndihmës së qytetarëve Policia arreston personin e kërkuar për blerje e shitje të narkotikëve

Qytetarët kanë ndihmuar Policinë e Kosovës për arrestimin e personit të kërkuar për veprën penale “Blerje, Posedim, Shpërndarje, apo shitje e paautorizuar e narkotikëve të rrezikshëm apo substancave psikotrope dhe analoge” pas publikimit të fotos së personit në kërkim nga Policia.

Policia e Kosovës -Drejtoria Rajonale e Policisë në Pejë, me datë 06.12.2019, ka lëshuar kërkesë për bashkëpunim me qytetarë për arrestimin e personit të kërkuar ELTON (Arif ) ARIFAJ i lindur me 13.09.1985 në Pejë, i cili kërkohej për veprën penale “Blerje, Posedim, Shpërndarje, apo shitje e paautorizuar e narkotikëve të rrezikshëm apo substancave psikotrope dhe analoge” dhe i njëjti ishte i dënuar me burg në kohëzgjatje prej 1 viti e 50 ditë.

Policia e Kosovës falë bashkëpunimit me qytetarë pas publikimit të fotos së personit të dënuar, ka arritur të siguroj informacion lidhur me vendndodhjen e tij dhe me datë 03.02.2020 rreth orës 17:00 është bërë lokalizimi i tij, i njëjti ndodhej në rrugën “ Mujë Krasniqi” në Prishtinë.

Njësitet Policore nga Drejtoria Rajonale e Policisë ne Pejë, menjëherë e kanë arrestuar të kërkuarin e lartcekur, së bashku me të kërkuarin është arrestuar edhe një person i dyshuar D.M. i lindur me 1994, për të njëjtën vepër penale, dhe pas arrestimit gjatë bastisjes në banesën në të cilën qëndronin të dyshuarit janë gjetur dhe konfiskuar nga Njësiti i trafikimit me narkotik: 472.1 gram narkotik e llojit marihuantë, 1- peshore elektronike për peshim ne pesha të vogla, 1- mulli(grinder), 2- telefona mobil, 115.77 euro (njëqind e pesëmbedhjetë e shtatëdhejetë e shtatë cent), disa qindra qese të vogla plasmasi për ambalazhim të substancës së dyshuar.

Personi i dyshuar pas intervistimit ndalohet në ndalim Policor për tu intervistuar për një vepër tjetër penale të vitit 2017 si i dyshuar për “zjarrvënie” e pastaj do të dërgohet në vuajtje të dënimit në Qendrën Korrektuese në Dubravë.

Rritja e besimit në Policinë e Kosovës, rritja e bashkëpunimit të qytetarëve me Policinë e tyre do të qojë në përforcimin e mëtejshëm të Policisë dhe në të njëjtën kohë edhe në rritjen e efikasitetit dhe suksesit në punët policore.

Për suksese në parandalimin e krimeve, qytetarët nuk duhet hezituar, duhet të kthehen në Polici pa uniforma dhe vetëm me bashkëpunimin e tyre si në të gjitha vendet e qytetëruara, do të arrijmë të jetojmë në një vend me të sigurtë.

Policinë e Kosovës në Rajonin e Pejës e ndihmuan qytetarët dhe falënderojmë të gjithë për besimin dhe shtimin e bashkëpunimit në realizimin e planeve për të mirën e vet qytetarëve dhe vendit.

(Kosova Sot Online)