Vjosa Osmani ka një porosi për PDK’në dhe opozitarët e tjerë
Kryetarja e Kuvendit të Kosovës, Vjosa Osmani, ka thënë se lëvizja në zyrën e saj e fotografisë së presidentit të Kosovës, Hashim Thaçi, është e ligjshme.
Osmani ka thënë se tani e konsideron atë çështje të mbyllur.
“Kjo (lëvizja e fotografisë v.j.) është e ligjshme dhe me kaq mbyllet kjo temë”, është shprehur ajo.
Kryeparlamentarja e re ka komentuar vendimin e Partisë Demokratike të Kosovës për ta bojkotuar Kuvendin në protestë ndaj saj.
“Bojkoti i tyre ka filluar më 3 shkurt. Është vendim i mëhershëm, ditën kur është votuar qeveria”, ka thënë ajo.
Ajo ka porositur opozitën t’i kthehet Kuvendit.
“Unë mendoj që roli i opozitës është i rëndësishëm për demokracinë tonë. Shpresoj që ata t’i kthehen Kuvendit”, ka thënë Osmani.
(Kosova Sot Online)