Arrestohen katër persona për përdorim të armëve në Prishtinë

  • 09 February 2020 - 13:07
Arrestohen katër persona për përdorim të armëve në Prishtinë

Dje në Prishtinë, janë arrestuar katër persona, pasi që iu gjetën armëmbajtje pa leje.

Rr. Ahmet Krasniqi, Prishtinë 08.02.2020 – 03:30. Është arrestuar i dyshuari mashkull K-Shqiptar, pasi që gjatë kontrollit tek i njëjti është gjetur dhe konfiskuar një mjet i mprehtë-thikë. Pas intervistimit me vendim të prokurorit, i dyshuari është liruar në procedurë të rregullt. 

Rr. Ilir Konushevci, Prishtinë 08.02.2020 – 12:50. Janë arrestuar dy të dyshuar meshkuj K-Shqiptar, pasi që gjatë kontrollit tek të njëjtit janë gjetur dhe konfiskuar një mjet i mprehtë dhe një sprej. Me vendim të prokurorit të dyshuarit janë dërguar në mbajtje.

Rr. Tahir Zemaj, Prishtinë 08.02.2020 – 22:50. Është arrestuar i dyshuari mashkull K-Shqiptar, pasi që gjatë kontrollimit të tij i janë gjetur dhe konfiskuar dy pistoleta. Me vendim të prokurorit, i dyshuari është dërguar në mbajtje.

(Kosova Sot Online)