Zyrtari i Këshillit Prokurorial pezullohet nga detyra pasi kishte marrë ryshfet
Këshilli Prokurorial i Kosovës ka pezulluar nga puna zyrtarin që ishte arrestuar pasi kishte kryer veprën penale ‘Marrje Ryshfeti’.
Zyrtari i arrestuar do të qëndroj i pezulluar nga puna deri në vendimin tjetër të gjykatës.
” Këshilli Prokurorial i Kosovës, pas marrjes së informacionit se me urdhër të prokurorit të Prokurorisë Themelore në Prishtinë është arrestuar dhe ndaluar një zyrtar i kësaj prokurorie me dyshimin se i njëjti ka kryer veprën penale “Marrje ryshfeti”, njofton se Sekretariati i këtij Këshilli ka marrë vendim për pezullimin e menjëhershëm të tij nga ushtrimi i detyrave zyrtare deri në marrjen e vendimit përfundimtar nga ana e gjykatës.”, thuhet në komunikatën e Këshillit Prokurorial.
(Kosova Sot Online)
