Moti për sot dhe për ditën e pavarësisë në Kosovë
Fushat anticiklonike të shtrira mbi rajonin e Ballkanit do të kushtëzojnë mot kryesisht të kthjellët dhe me diell në vend, bën të ditur Instituti Hidrometeorologjik i Kosovës.
Sipas institutit, temperaturat minimale do të lëvizin ndërmjet -1 deri -3 gradë Celsius, ndërsa maksimalet e ditës parashihen të lëvizin ndërmjet 9-11 gradë Celsius.
IHMK-ja paralajmëron se do të fryjë erë e lehtë deri mesatare, nga drejtimi i veriperëndimit.
Ndërkaq, dita e pavarësisë parashihet të jetë me shtim të vranësirave dhe intervale me diell, por në fushat termike do të ketë rritje, bën të ditur instituti.
Sipas IHMK-së, nëse bëjmë një krahasim me vitin 2008, kur kishim temperatura negative, tani ato do të jenë tipike pranverore gjatë ditës.
(Kosova Sot Online)