OVL-UÇK-së i reagon Kollçakut: Mëkat që ka sot njerëz që mundohen ta njollosin luftën e pastër të UÇK-së

  • 16 February 2020 - 11:17
OVL-UÇK-së i reagon Kollçakut: Mëkat që ka sot njerëz që mundohen ta njollosin luftën e pastër të UÇK-së

Kryetari i Organizatës së Veteranëve të Luftës, Hysni Gucati, i ka reaguar deputetës së Lëvizjes Vetëvendosje Fatmire Mulhaxha-Kollçaku, që mbrëmë përmes një statusi kishte përmendur dosjet kriminale të Ushtrisë Çlirimtare të Kosovës.

Gucati tha se është mëkat që ka sot njerëz që mundohen ta njollosin luftën e UÇK-së.

Ai i ka bërë thirrje deputetës së LVV-së që të mbledh dosjet kriminale të UÇK-së nëse i posedon dhe t’i dorëzoj në gjykatë. 

Reagimi i plotë:

Është një mëkat i madh kur edhe sot ka njerëz të tillë që mundohen ta njellosin luftën e drejt të Ushtrisë Çlirimtare të Kosovës, nese këta njerëz mendojn që UÇK-ja ka kryer krime le bëhen dëshmitar nëpër gjygje kunder luftëtarëve të cilët sollën lirinë, fal luftës së UÇK-së që solli pavarsinë e Kosovës sot ne kemi shtetin dhe institutcionet tona si parlamentin e Kosovës ku deputetja në fjalë Fatmire Mulhaxha -Kollçaku, Zonja e cila ka siguruar një ulse në kuvendin e Kosovës dhe subjekti i saj partiak që gjenden në krye të shtetit mos të mendojn se do munden të ofendojne, shajnë dhe ta njëllosin luftën e drejt të UÇK-së, mos të mendojn se historia e Kosoves ka filluar me ta. Të gjithë ne jemi krenar me Ushtrinë Çlirimtare të Kosovës, ishte pjesa me e mirë e historisë së Kosoves lufta e Ushtrisë Çlirimtare të Kosovës. Si përfaqësues i Organizates së Veteranëve të Luftës së Ushtrisë Çlirimtare të Kosovës i bëj thirrje Fatmires që t'i mbledh dosjet për krimet e UÇK-së nëse posedon, dhe t'i dorzojë në Gjykatë!
H.G

(Kosova Sot Online)