Hashim Thaçi nuk shkon në seancë, ua kujton përmes një video kush e shpalli pavarësinë

Presidenti i shtetit, Hashim Thaçi nuk ka shkuar sot në seancën solemne të Kuvendit të Kosovës për nder të 12-vjetorit të pavarësisë së shtetit të Kosovës.

Derisa nuk është bërë arsyeja se pse Thaçi nuk ka marrë pjesë, gjatë kohës sa po zhvillohej seanca ai ka zgjedhur që të reagojë përmes një video që e ka shpërndarë në rrjetin social Facebook.

Presidenti i shtetit ka kujtuar 12 vite më parë momentin kur ai si kryeministër i Kosovës e kishte lexuar deklaratën e pavarësisë.

“Popullit të Kosovës, të gjithë shqiptarëve kudo që janë, nga zemra ju uroj dymbëdhjetë vjetorin e Shpalljes së Kosovës shtet të pavarur dhe sovran”, ka shkruar Thaçi.

(Kosova Sot Online)