Hoti vjen me një paralajmërim: Sot ishte vetëm fillimi

Zëvendëskryeministri i Kosovës, Avdullah Hoti, ka thënë se shkarkimi i Bordit të Telekomit është vetëm fillimi i punës së Qeverisë.

Ai shton se do të analizohen edhe bordet tjera të ndërmarrjeve publike dhe do të merren vendime meritore në bazë të performancës.

“Sot ishte vetëm fillimi”, ka shkruar Hoti në Facebook.

“Sot Qeveria ka shkarkuar Bordin e Telekomit. Në ditët në vijim do të analizojmë raportet e auditimit dhe performancës të të gjitha ndërmarrjeve publike dhe do të marrim vendimet meritore lidhur me bordet e tyre”, shtoi ai.

Hoti thotë se shkarkimet po bëhen me qëllim të shpëtimit të ndërmarrjeve publike nga falimentimi.

Ndryshe, Qeveria sot vendosi për shkarkimin e Bordit të Telekomit për arsye të mosefikastitetit.

(Kosova Sot Online)