Ndërron jetë ish- ministri shqiptar

Ndërron jetë ish-ministri dhe ish-deputeti për qarkun e Shkodrës, Ahmet Osja. Profesori i Shkencave Bujqësore ndërroi jetë në moshën 80-vjeçare. Ai u lind në Shkodër më 1939. Ai ishte Profesor i shkencave bujqësore dhe mbante titullin “Mjeshtër i Madh”, i dhënë nga presidenti i Republikës në vitin 2009. Për afro 9 vjet (1982-1991) përfaqësoi rajonin e Shkodrës si deputet në Kuvendin e Shqipërisë. Ka qenë edhe ministër i Bujqësisë, Zhvillimit Rural dhe Administrimit të Ujërave si dhe lektor në Universitetin e Shkodrës.

1982 – 1991 Deputet në Kuvendin e Shqipërisë.

2009 – Mjeshtër i Madh nga Presidenca e Republikës.

2009 – Këshilli Bashkiak i Shkodrës e ka shpallur Profesorin Ahmet Osja ” Mirënjohja e Qytetit” .

2009 – Forumi i Intelektualëve Shqiptarë , dega Shkodër përfaqësuar nga ish kryetari Gëzim Uruçi e vlerësoi si intelektual i shquar, emblemë e qytetarisë, me njohuri të gjithanëshme në shumë fusha të shkencës e kulturës dhe një personalitet i historisë shqiptare

2010 – Nderi i Akademia e Shkencave, ishte titulli nga kryesia e akorduar ciceronit të bujqësisë Profesor Ahmet Osja.

2016 – Honoris causa.

(Kosova Sot Online)