Ministrja britanike për Evropë: Do të punojmë me Kryeministrin Kurti
Kryeministri i Republikës së Kosovës, Albin Kurti, gjatë vizitës së tij në Londër të hënën është takuar edhe me ministren e Britanisë së Madhe për Fqinjësi me Evropën dhe Amerikën, Wendy Morton.
Njoftimin për takimin e ka dhënë vetë Morton gjatë të hënës, duke përsëritur faktin se Kosova dhe Britania e Madhe gjithmonë kanë qenë miq shumë të fortë.
“Kosova dhe Britania e Madhe kanë qenë gjithmonë miq të fortë. Ishte kënaqësi që ta takoja kryeministrin e ri, Albin Kurtin, me të cilin folëm se si mund të punojmë së bashku dhe si qeveria e tij do të vazhdojë përpara me reforma të rëndësishme”, kishte shkruar Morton.
Kosovo ë and the UK ë have always been strong friends. It was a pleasure to meet with new Prime Minister @albinkurti today and speak about how we can work together as his government moves forward with important reforms. pic.twitter.com/qTG2TlDKcZ
— Wendy Morton MP (@morton_wendy) February 24, 2020
Ndërkohë njoftimi për takim është shpërndarë sot edhe nga faqja e Ambasadës së Britanisë së Madhe në Kosovë.
“Kryeministri Kurti është takuar me ministren e Britanisë së Madhe për Fqinjësi me Evropën dhe Amerikën, Wendy Morton, përgjatë vizitës së djeshme në Londër”, thuhet në shkrimin e ambasadës.
(Kosova Sot Online)