Presidenti nuk e do Lajçakun ndërmjetës, vjen goditja nga Këshilltari i tij
Këshilltari i presidentit të Kosovës, Bekim Çollaku ka dalë kundër emërimit të Miroslav Lajçak si emisar i Bashkimit Evropian në dialogun Kosovë – Serbi.
Përmes një shkrimi të bërë në llogarinë zyrtare në Twitter, këshilltari i presidentit Hashim Thaçi shkruan se roli i suksesshëm i Bashkimit Evropian varet nga besueshmëria që ka në Kosovë.
Ai thotë se mos liberalizimi i vizave, pavarësisht nga plotësimi i kushteve të padrejta, e emërimi i të dërguarit të BE-së nga një vend që se njeh Kosovën, janë përbërësit kryesor të një recete për dështim.
“Roli i suksesshëm i BE-së në dialogun për normalizimin varet nga besueshmëria e tij në Kosovë. Mos liberalizimi i vizave pavarësisht nga plotësimi i kushteve të padrejta dhe asimetrike së bashku me emërimin e një të Dërguari nga një vend që nuk e njeh janë përbërësit kryesorë të një recete për dështim”, ka shkruar ai.
EU’s sucessful role in normalisation dialogue depends on its credibility in #Kosovo. No visa liberalisation despite fulfilled of unfair and asymmetrical conditions together with appointment of an Envoy from a non-recognising country are prime ingredients of a recipe for faliure.
— Bekim Çollaku (@bcollaku1) February 26, 2020
(Kosova Sot Online)