Aksident i rëndë në Istog, lëndohen pesë persona
Pesë persona kanë mbetur të lënduar në një aksident trafiku që ka ndodhur sonte në fshatin Gurrakoc të komunës së Istogut.
Lajmin e ka bërë zëdhënësi i Policisë së Kosovës për Rajonin e Dukagjinit, Xhevat Ibra.
“Një aksident mes dy veturash ka ndodhur ku janë lënduar pesë persona të cilët janë dërguar në emergjencë për tretman. Policia ka dalur menjëherë në vendin e ngjarjes”, ka thënë Ibra.
Ndryshe, numri i aksidenteve në trafik ka shënuar sërish rritje, vetëm në 24-orët e fundit kanë ndodhur 46.
(Koosva Sot Online)