Italia i mbyll të gjitha shkollat dhe universitetet shkaku i koronavirusit

  • 04 March 2020 - 14:26
Italia i mbyll të gjitha shkollat dhe universitetet shkaku i koronavirusit

Qeveria italiane ka marrë vendim që t’i mbyllë të gjitha shkollat dhe universitetet në vend për dy javë si masë për parandalimin e përhapjes së mëtejme të koronavirusit.

Agjencia italiane e lajmeve, ANSA, raportoi se ky vendim u mor gjatë takimit të kryeministrit Giuseppe Conte, me kabinetin e ministrave.

Deri më tash, nga koronavirusi në Itali kanë vdekur 79 persona, duke e bërë atë vendin e tretë në botë për numrin e viktimave pas Kinës dhe Iranit.

Autoritetet italiane më parë kishin marrë vendim për mbylljen e shkollave vetëm në rajonet veriore, ku kishte më shumë raste, shkruan “The Guardian”.

Ndryshe, ministri italian i sportit, Vincenzo Spadafora, tha të mërkurën se qeveria ka gjasë të japë urdhër që ndeshjet e futbollit dhe ngjarjet tjera sportive të zhvillohen pa shikues.

(Kosova Sot Online)