E konfirmon IKSHPK-ja: Në Kosovë nuk ka koronavirus

  • 10 mars 2020 - 14:54
E konfirmon IKSHPK-ja: Në Kosovë nuk ka koronavirus

Instituti Kombëtar i Shëndetësisë Publike i Kosovës (IKSHPK) , ka njoftuar se Koosva edhe më tej nuk ka shënuar ndonjë rast të koronavirusit. Përmes një njoftimi për medie bëhet e ditur se të gjitha rastet e deri më tashme kanë rezultuar negative.

Më poshtë e gjeniu të plotë njoftimin e IKSHPK-së:

NË KOSOVË NUK KA KORONAVIRUS!

Instituti Kombëtar i Shëndetësisë Publike i Kosovës (IKSHPK) gjatë ditës së sotme, më 10 mars2020, ka marrë informatë nga Klinika Infektive e QKUK për tre raste të dyshimta në Koronavirus COVID-19.

Pacientët u kontrolluan nga ekipi i infektologëve në Klinikën Infektive në QKUK dhe iu morën mostrat për testim laboratorik në virusin SARS-CoV-2 dhe Influenza A dhe B.

Ekipi i Laboratorit të Mikrobiologjisë Molekulare në IKSHPK ka bërë testimin në virusin SARS CoV-2 dhe në influencë A dhe B me metodën rRT-PCR të tre pacientëve.

Testet kanë rezultuar negative për SARS-CoV-2, domethënë të tre pacientët nuk janë të infektuar me virusin SARS-CoV-2, ndërsa dy prej tyre është Influencë B pozitiv.

Sot pasdite kanë ardhur edhe katër mostra, një nga klinika pediatrike dhe tri nga Klinika Infektive të cilat në Laboratoret e IKSHPK kanë hy menjëherë në punë dhe do të ju informojmë me kohë posa të përfundojë puna në laborator.

(Kosova Sot Online)