Rukiqi: Ka mjaftueshëm miell, nuk ka arsye per panikë, as per rritje çmimesh

  • 12 March 2020 - 11:20
Rukiqi: Ka mjaftueshëm miell, nuk ka arsye per panikë, as per rritje çmimesh

Kryetari i Odës Ekonomike të Kosovës, Berat Rukiqi, ka deklaruar se nuk ka nevojë për panik dhe rritje çmimesh, meqenëse ka sasi të mjaftueshme të miellit.

Përmes një postimi në llogarinë e tij në Facebook, Rukiqi ka thënë se për të parandaluar çdo mundësi të çrregullimeve në treg, Ministria e Ekonomisë duhet të bëjë verifikim urgjent të rezervave shtetërore dhe të përgatisë veprime konkrete për aktivizim të rezervës shtetërore.

Ai u ka bërë thirrje shitësve që t’i mbushin raftet sa më shpejt, meqenëse raftet e zbrazëta krijojnë panik.

“Kërkesë për shitësit me pakicë: Raftet e zbrazët krijojnë panik. Bëni të gjitha përpjekjet që raftet të mbushen në kohë sa më të shpejtë, pasi që në treg ka produkte të mjaftueshme, për të gjitha kategoritë”.

(Kosova Sot Online)