Krejt cka dihet deri më tani për koronavirusin në Kosovë
Pas konfirmimit të nëntë rasteve pozitive me koronavirus në Kosovë, Qeveria ka shpallur gjendje emërgjente për shëndetin publik.
Kjo pas propozimit të Ministrit të Shëndetësisë, Arben Vitia, i cili njoftoi se nga 13 marsi, kur edhe u shënua rasti i parë, deri më tani janë konfirmuar nëntë raste me koronavirus në gjithë territorin e Kosovës.
Vitia përmes një postimi në Facebook, bëri të ditur se janë konfirmuar edhe katër raste të reja me koronavirus në Kosovë, duke shënuar kështu edhe rastin e parë në Komunën e Podujevës.
Vetëm brenda ditës së sotme janë shënuar edhe tre raste të tjera në Malishevë, të cilat kishin të bëjnë me rastin e parë, të konfirmuar dje, dhe rasti tjetër në Podujevë, për të cilin dihet se ka arritur nga Italia më 5 mars, përmes Aeroportit Ndërkombëtar të Prishtinës “AdemJashari”.
Madje, edhe pse u morën masa parandaluese të shumta deri në ardhjen e këtij virusi në vendin tonë, gjendja ndryshoi gjatë këtyre tre ditëve, tre vendet e para të prekura nga ky virus vdekjeprurës, Vitia, Klina dhe Malisheva, me vendimin e Qeverisë, hynë në karantinë, duke mos lënë kështu të hyjë e as të dalë njëri nga këto dy vende, mirëpo një gjë e tillë pritet të ndodh së shpejti edhe në Podujevë.
Në anën tjetër, opozita qeveritare kanë kritikuar Qeverinë për siç e quajnë ata, papërgjegjësinë që ka treguar në parandalimin e përhapjes së kësaj epidemie në vendin tonë, pasi që udhëtarët të cilët kanë ardhur nga zonat e prekura me koronavirus, si Italia, nuk janë futur fillimisht në karantinë, gjë që sipas tyre edhe ka shpërndarë këtë virus në Kosovë.
Siç raportohet, që nga data 23 shkurt, numri i qytetarëve të kthyer nga Italia në Kosovë ishte 127. Ndërkohë, kontrolli nga autoritetet kosovare kishte qenë tepër i vogël, pa testime adekuate për këtë virus.
Pas panikës së madhe e cila zuri të gjithë vendin këto ditë, si pasojë e së cilës shumë njerëz dolën për të blerë produktet esenciale si miell, e sheqer, 13 marsi duket se i zuri të gjithë të përgatitur.
Vendime të ndryshme janë marrë deri më tani, si ajo e mbylljes së të gjitha qendrave tregtare, përveç atyre ushqimore dhe farmacive, mbyllja e restauranteve, pub’ave e kafiterive, mbyllja e të gjitha institucioneve arsimore, poashtu reduktimi i punëtorëve në institucione të tjera shtetërore.
Gjithashtu, u bë edhe dezinfektimi i të gjithë autobusëve të “Trafikut Urban”, madje edhe në Aeroportin Ndërkombëtar të Prishtinës “Adem Jashari”, të cilët gjithashtu pezulluan të gjitha udhëtimet jashtë vendit.
Madje, është raportuar edhe për pezullimin e xhumave për besimtarët islamë, ku nga BIK’u u bë e ditur që përveç kësaj janë pezulluar edhe të gjitha mbledhjet si të pamet, përveç ceremonive mortore, ku duhet reduktuar numri.
(Kosova Sot Online)
