Këshilltari i presidentit – ambasadorit gjerman: BE të emërojë emisar që e njeh edhe Kosovën edhe Serbinë
Këshilltari i presidentit të Kosovës, Hashim Thaçit, Artan Behrami i ka reaguar sot ambasadorit gjerman në Prishtinë, Christian Held.
Behrami i ka reaguar ambasadorit, pasi që ai deklaroi se i emëruari i posaçëm i BE-së për dialogun Kosovë – Serbi, Miroslav Lajçak, do të çojë në një zgjidhje gjithëpërfshirëse për të dy shtetet.
Këshilltari i presidentit thotë se me emërimin e Lajcakut, është legjitimuar qasja e mos njohjes së Kosovës nga pesë shtete të BE’së.
Ai thotë se dialogu duhet të zhvillohet negociatorët që njohin si Kosovën ashtu edhe Serbinë.
Which dialogue @GermanAmbKOS ? With the appointment of Lajcak you have legitimised non-recognition approach of the 5 by the whole EU. Dialogue must be conducted by negotiators that recognise both: Kosovo and Serbia. Not just one-side. https://t.co/GRLHzRD2gV
— Artan Behrami (@artanbehrami) March 23, 2020
Held ka shkruar sot në Twitter se Gjermania mirëpret emërimin e Lajçakut në këtë pozitë, duke shkruar se ai do të drejtojë një dialog të strukturuar dhe thelbësor në mes të Kosovës dhe Serbisë.
“Gjermania mirëpret emërimin e Miroslav Lajcak, që në emër të Bashkimit Evropian do të drejtojë një dialog të strukturuar dhe thelbësor, që çon në zgjidhje gjithëpërfshirëse dhe ligjërisht të detyrueshme. Si përfaqësues i BE-së ai do të veprojë dhe do të flasë për Gjermaninë dhe të gjithë shtetet anëtare. Mbani në mend Gjermania është Bashkimi Evropian, gjithashtu, BE-ja është Gjermania”, ka shkruar Held.
(Kosova Sot Online)
