Përdori medikamentin që Trump sugjeroi kundër koronavirusit, vdes pas gjysmë ore një burrë në SHBA
Një burrë nga Phoenix ka vdekur dhe gruaja e tij është nën kujdesin kritik pasi të dy morën chloroquine phosphate në një përpjekje të dukshme për tu vetë-mjekuar nga coronavirusi, sipas sistemit spitalor Banner Health.
Siç shkruan CNN, Chloroquine është përmendur nga presidenti Donald Trump si një trajtim i mundshëm për Covid-19, por është gjithashtu “një shtesë që përdoret zakonisht në akuariume për të pastruar rezervuarët e peshkut”, tha Banner Health në një deklaratë.
Chloroquine është aprovuar nga Administrata e Ushqimit dhe Barnave për trajtimin e malaries, lupusit dhe artritit reumatoid. Por FDA nuk e ka aprovuar atë për të trajtuar coronavirusin.
Ekspertët e Banner Health theksuan se ilaçet – si dhe “ilaçet e tjera të papërshtatshme dhe produktet shtëpiake” – “nuk duhet të merren për të trajtuar ose parandaluar këtë virus”.
“Nisur nga pasiguria rreth COVID-19, ne e kuptojmë se njerëzit janë duke u përpjekur të gjejnë mënyra të reja për të parandaluar ose trajtuar këtë virus”, ka thënë Dr. drejtori mjekësor i Qendrës së Informacionit të Ilaçeve. “Por vetë-mjekimi nuk është mënyra për ta bërë këtë”.
Banner Health, i cili është me qendër në Arizona, nuk dha detaje se si çifti, të dy në të 60-tat, morën chloroquine.
Sidoqoftë, sipas deklaratës, “brenda tridhjetë minutash nga gëlltitja, çifti pësuan efekte të menjëhershme që kërkojnë pranimin pranë spitalit Health Banner”.
(Kosova Sot Online)
