Thaçi e Haradinaj i urojnë shërim të shpejtë kryeministrit britanik që është vendosur në kujdes intensiv mjekësor

Kryeministri i Britanisë së Madhe, Boris Johnson është shtruar sot në kujdesin intensiv për shkak të përkeqësimit të gjendjes së tij pas infektimit me koronavirus.

Presidenti i Kosovës, Hashim Thaçi i ka uruar atij shërim sa më të shpejtë.

“Uroj shërimin e shpejtë të kryeministrit Boris Johnson dhe kthimin te më të dashurit e tij që të vazhdojë t’i shërbejë vendit të tij dhe botës! Mendimet e mia janë me të dhe familjen e tij”, shkruan presidenti Thaçi në një postim në Twitter.

Kryeministrit britanik shërim të shpejtë i ka uruar edhe ish-kryeministri i Kosovës, Ramush Haradinaj

“Nga Kosova e karantinuar i uroj kryeministrit Boris Johnson shërim të shpejtë dhe të rikthehet i shëndetshëm në vendin e punës. Covid-19 na ka bashkuar të gjithëve në këtë luftë. Edhe kjo do të kalojë”, shkroi Haradinaj në Twitter.

Johnson, 55-vjeç, është karantinuar që kur u diagnostikua me COVID-19, më 26 mars.

(Kosova Sot Online)