“Patenta e imunitetit”/ Shkencëtarët në Itali prodhojnë testin e parë të gjakut, brenda orës zbulohet nëse infekton të tjerët apo jo

  • 08 April 2020 - 11:49
“Patenta e imunitetit”/ Shkencëtarët në Itali prodhojnë testin e parë të gjakut, brenda orës zbulohet nëse infekton të tjerët apo jo

Në Itali është zhvilluar, testuar dhe prodhuar testi i parë i gjakut, për të verifikuar se kush ka zhvilluar antitrupat ndaj Covid-19.

Pas gjashtë javësh studimesh të kryera në Poliklinikën “San Matteo” në Pavia, diagnostikuesi shumëkombësh “DiaSorin” është gati të nisë një test serologjik të ndërtuar ‘in vitro’ në laboratorët e tyre në Saluggia (Vercelli), nga një ekip prej 50 studiuesish.

Certifikimi i pritshëm pritet brenda dy javësh, atëherë mund të fillojnë testimet mbi popullatën (me një kosto prej më pak se 5 euro secila). Rezultati del në një orë. Në Itali mund të përpunohen rreth 500,000 mostra në ditë.

Lajmi është i rëndësishëm sepse nga 1 prilli Administrata Kombëtare e Produkteve Mjekësore (NMPA), ose autoriteti më i lartë i ilaçit kinez, ka publikuar një shënim zyrtar me të cilin komunikon se testet serologjike të shpejta (vetëm një pikë gjaku të marrë nga një gisht, me rezultat që del në 15 minuta) ende nuk kanë marrë një vërtetim dhe vlefshmëri të sigurisë në Kinë:

kjo do të thotë se shumica e testeve që kanë përmbytur tregun deri më tani, përfshirë tregun italian, nuk janë të gjithë në gjendje të tregojnë se kush ka hyrë në kontakt me virusin, dhe si rezultat për të përjashtuar se kush është infekues, sepse testet e deritanishme kanë një ndjeshmëri të ulët.

(Kosova Sot Online)