Top – shkencëtari jep dorëheqje duke e akuzuar rëndë BE’në për reagimin ndaj pandemisë

  • 08 prill 2020 - 16:32
Top – shkencëtari jep dorëheqje duke e akuzuar rëndë BE’në për reagimin ndaj pandemisë

Shkencëtari kryesor i Bashkimit Evropian dha dorëheqje, duke dënuar, siç tha, përgjigjen “zhgënjyese” të Brukselit ndaj pandemisë së koronavirusit.

Mauro Ferrari, president i Këshillit Evropian të Kërkimeve, e kritikoi BE-në për refuzimin e propozimit të tij për të krijuar një program shkencor, të shkallës së gjerë, për luftimin e sëmundjes COVID-19, që e shkakton koronavirusi.

Në një deklaratë të publikuar në gazetën Financial Times, Ferrari po ashtu tha se shtetet anëtare kanë dështuar të koordinohen për politikën e kujdesit shëndetësor.

“Në  këtë kohë të emërgjencave, njerëzit dhe institucionet zbulojnë karakterin e tyre të vërtetë,” shkroi Ferrari në deklaratën ku edhe njoftoi për dorëheqjen.

Komisioni Evropian nuk e ka komentuar ende dorëheqjen e Ferrarit.

Italia dhe Spanja – të dyja vende anëtare të Bashkimit Evropian – kanë numrin më të madh të viktimave nga koronavirusi në botë: 17,127, përkatësisht 14,045.

Mbi 10,000 viktima ka edhe Franca.

(Kosova Sot Online)