Në kohë pandemie togeri i Policisë së Kosovës shkoi në kazino, arrestohet nga kolegët e tij

  • 08 April 2020 - 20:52
Në kohë pandemie togeri i Policisë së Kosovës shkoi në kazino, arrestohet nga kolegët e tij

Zyrtari policor ishte gjykuar dy herë për vepra penale marrje të ryshfetit dhe lajmërim i veprave penale.

Virusi korona ka bërë që shumë qytetar të izolohen nëpër shtëpitë e tyre.

Por, këto këshilla e vendime të qeverisë duket se nuk kanë vlejtur për një zyrtar policor.

Madje zyrtari me inicialet SH.A që ka gradën e togerit pos që nuk ka respektuar rregullat shëndetësore në kohë të epidemisë, kishte shkuar në fshatin Karaqevë, atej ku funksionojnë bizneset e lojërave të fatit.

Me të dal nga ky vend, ai ishte ndaluar nga kolegët e tij polic.

Ata menjëherë kishin informuar Inspektoratin Policor, ndërsa këtë të fundit me të dal në vend të ngjarjes e arrestuan këtë zyrtar.

Por, zyrtari policor në fjalë kishte telashe edhe më herët me ligjin pasi i njëjti ishte gjykuar nga Gjykata Komunale e Gjilanit për dy vepra penale.

Këtë ka konfirmuar përmes përgjigjes me shkrim zëdhënësi i Gjykatës Themelore të Gjilanit, Sabit Shkodra.

Ndërkohë 63 persona janë arrestuar gjatë 24 orëve të fundit pasi nuk kanë përfillur urdhrat bazuar në vendimet qeveritare lidhur me pandeminë Covid 19.

(Kosova Sot Online)