Sot mblidhet Kryesia e Kuvendit, shqyrtohet kërkesa e PDK-së për seancë të jashtëzakonshme

  • 10 April 2020 - 08:03
Sot mblidhet Kryesia e Kuvendit, shqyrtohet kërkesa e PDK-së për seancë të jashtëzakonshme

Kryesia e Kuvendit të Kosovës ka të caktuar një mbledhje për ditën e sotme.

Kryesia e Kuvendit të Kosovës do të mblidhet sot për të shqyrtuar kërkesën e PDK-së për seancë të jashtëzakonshme për miratimin e pakos financiare emergjente.

Por në këtë mbledhje nuk do të lejohen mediat, kjo për shkak të virusit COVID-19.

“Ju njoftojmë se për shkak të situatës pandemike dhe masave për parandalimin e përhapjes së virusit COVID-19, nuk do të ketë prezencë të mediave në mbledhjen e nesërme të Kryesisë së Kuvendit (shih rendin e ditës në kalendar, në uebfaqe). Pas mbledhjes, mediat dhe publiku do të njihen me vendimet e Kryesisë, nëpërmjet komunikatës. Kërkojmë mirëkuptimin tuaj!”, thuhet në njoftimin e Kuvendit.

(Kosova Sot Online)