Spanja u bashkohet ShBA-së e Italisë në listën e vendeve me mbi 20 mijë viktima të virusit

  • 18 April 2020 - 14:43
 Spanja u bashkohet ShBA-së e Italisë në listën e vendeve me mbi 20 mijë viktima të virusit

Ministria e Shëndetësisë e Spanjës ka njoftuar se 585 persona kanë vdekur nga koronavirusi gjatë 24 orëve të kaluara.

Kështu, numri i përgjithshëm i viktimave shkoi në 20,043, duke e bërë Spanjën vendin e tretë në botë që e kalon shifrën prej 20 mijë të vdekurve pas Shteteve të Bashkuara dhe Italisë.

Përpos viktimave u shënuan edhe mijëra raste të reja të infektimeve. Nga 188,068 sa ishte shifra e të prekurve një ditë më parë, ajo shkoi në 191,726 të shtunën, shkruan “Reuters”.

Qeveria spanjolle nga kjo javë ka vendosur që t’i largojë disa masa të kufizimeve me qëllim të riaktivizimit të sektorëve të ekonomisë.

Nga e hëna, punën kanë mundur ta fillojnë punëtorët e ndërtimtarisë dhe të fabrikave, por shumica e popullsisë mbetet nën masa të izolimit.

Edhe disa vende tjera evropiane kanë filluar t’i lehtësojnë masat e izolimit. Italia dhe Austria kanë filluar t’i hapin dyqanet, ndërsa në Danimarkë janë ka rifilluar procesi mësimor në shkolla fillore.

(Kosova Sot Online)