Dhunoi 15 vjeçaren, Prokuroria kërkon një muaj paraburgim për vitiasin

  • 18 April 2020 - 14:54
 Dhunoi 15 vjeçaren, Prokuroria kërkon një muaj paraburgim për vitiasin

Prokuroria Themelore në Gjilan, Departamenti për Krime të Rënda, ka kërkuar nga Gjykata kompetente në Gjilan, caktimin e masës së paraburgimit ndaj të dyshuarit E.H., pasi dyshohet se ka kryer veprën penale ‘’Dhunimi’’.

Prokuroria Themelore në Gjilan përmes një komunikate për media ka thënë se ekziston dyshimi se i dyshuari ka dhunuar të miturën më datë 13 prill 2020.

“Sipas kërkesës, ekziston dyshimi i arsyeshëm, se i dyshuari E.H., më 13 prill 2020, në një shtëpi të pabanuar në dalje të komunës së Vitisë, ka dhunuar të dëmtuarën e mitur të moshës 15 vjeçare, në atë mënyrë që duke shfryrëzuar pozitën e saj ka kryer marrëdhënie seksuale me të njëjtën kundër dëshirës së saj”, thuhet në njoftimin nga Prokuroria.

“Prokurori i rastit ndaj të dyshuarit ka kërkuar masën e paraburgimit, në afat prej 30 ditësh, pasi ekziston rreziku i arratisjes dhe i ndikimit të e dëmtuara e mitur, ndërsa seanca për caktimin e masës së paraburgimit pritet të mbahet nesër, më 19 prill 2020, para gjyqtarit të procedurës penale”, thuhet më tutje në njoftim.

(Kosova Sot Online)