53 pacientë të hospitalizuar me Covid-19, dy në gjendje kritike

Në Klinikën Infektive të Qendrës Klinike Universitare po mjekohen 53 pacientë të prekur me covid 19.

Prej tyre 6 janë në okisgjenoterapi dhe dy në gjendje kritike shëndetësore, një nga ta një shtatzënë.

Gjendja e pacientëve të tjerë është stabile.

Ferizaj dhe Malisheva janë dy komunat me numrin më të madh të të prekurve.

Në komunën e Ferizajt thonë se është krijuar një shqetësim më i madh pas 15 rasteve të mbrëmshme pozitive me covid 19.

Ndërsa në komunën e Malishevës thonë se aktualisht situata është e qetë në këtë komunë pasi që, që disa ditë nuk kanë pasur raste të reja të të prekurve me koronavirus.

(Kosova Sot Online)