Kryetari i Kamenicës tregon për gjendjen e të prekurve me Covid-19 në këtë komunë
Kryetari i Komunës së Kamenicës, Qëndron Kastrati, ka njoftuar se gjendja e të infektuarve me Covid-19 në këtë komunë është stabile.
Përmes një postimi në faqen zyrtare në Facebook, Kastrati ka bërë të ditur se kanë dërguar një listë për testime në IKSHPK.
“Gjendja e të infektuarve është stabile, ndërkohe që jemi në kontakt të vazhdueshëm me familjet në vetizolim. Gjithashtu, kemi vepruar shpejt në identifikimin e gjithë kontakteve nga rastet e fundit, dhe kemi dërguar një listë për testime në Institutin Kombëtar të Shëndetësisë Publike”, ka shkruar ai.
(Kosova Sot Online)
