Në Britani rritet numri i viktimave me Covid-19

  • 28 April 2020 - 16:08
Në Britani rritet numri i viktimave me Covid-19

Gjatë 24 orëve të kaluara, Britania e Madhe i ka shënuar 633 të vdekur nga koronavirusi. Kjo shifër është shumë më e lartë se ajo që u shënua një ditë më parë.

Kështu, numri i përgjithshëm i të vdekurve nga Covid-19 në Mbretërinë e Bashkuar shkoi në 21,731.

Megjithatë, numri i vërtetë i viktimave thuhet se mund të jetë 55 për qind më i lartë se shifra zyrtare, për shkak se në të dhënat e Departamentit të Shëndetësisë nuk po përfshihen personat që vdesin jashtë spitaleve.

Në Angli të martën u shënuan 546 të vdekur, në Skoci 70 dhe në Uells 17 viktima të reja. Ndërkohë Irlanda Veriore nuk i ka raportuar ende shifrat për ditën e sotme, shkruan “Metro UK”.

Britania është në mesin e vendeve më të prekura nga koronavirusi në Evropë, bashkë me Italinë, Spanjën, Francën dhe Gjermaninë.

Të hënën, kryeministri i këtij vendi, Boris Johnson, tha se ende është herët që të largohen masat e izolimit për shkak të rrezikut të rritjes së numrit të të infektuarve,

(Kosova Sot Online)