SHBA’ja miraton ilaçin për trajtimin e koronavirusit, të hënën do të shpërndahen një milion shishe

  • 01 May 2020 - 23:00
 SHBA’ja miraton ilaçin për trajtimin e koronavirusit, të hënën do të shpërndahen një milion shishe

Administrata amerikane për Ushqim dhe Ilaçe ka miratuar një ilaç që mund të përdoret për trajtimin e koronavirusit të ri, ka thënë presidenti amerikan, Donald Trump.

Trump ka thënë se udhëheqësi i kompanisë Gilead, që ka zhvilluar ilaçin, e ka përshkruar këtë hap si shumë të rëndësishëm, si dhe ka thënë se do të dhurojë një milion shishe të ilaçit, remdesivir.

Nën-presidenti amerikan, Vice Pence ka thënë se shpërndarja e këtij ilaçi në spitale do të fillojë të hënën.

Ky ilaç që fillimisht është krijuar për trajtim të sëmundjes Ebola, ka zvogëluar ditët e shfaqjes së simptomave të koronavirusit nga 15 në 11, në disa teste që janë bërë ku janë përfshirë spitale nga e gjithë bota.

Megjithatë një studim kinez ka vënë në pikëpyetje dobinë e këtij ilaçi.

Shtetet e Bashkuara janë prekur më së keqi në botë nga sëmundja Covid-19, që shkakton ky virus, me mbi 1 milion të infektuar dhe mbi 60,000 persona të vdekur.

(Kosova Sot Online)